PERSOAS QUE INTERVEÑEN NO PLAN DE IGUALDADE

Na realización dos plans de igualdade interveñen moitas persoas en distintos niveis. En resumo:

• Dirección da empresa: debe mostrar vontade e impulso, o seu compromiso é imprescindible para o desenvolvemento do proceso.
• Equipo responsable dos recursos humanos: debe integrar a igualdade como principio transversal nas actuacións e procesos diarios da empresa.
• Representación legal dos traballadores e traballadoras: debe realizar propostas, asesorar, apoiar á formación, sensibilizar, identificar necesidades e intereses, fomentar boas prácticas, etc.
• Comisión de seguimento do plan: Estará formada como mínimo pola dirección da empresa, responsables de áreas, representantes do persoal e defensor/a da igualdade, se existise. Tamén poderán incorporarse outras traballadoras e traballadores e axentes de control externo. A comisión debe designar polo menos unha persoa de enlace coas seguintes funcións: actuar como punto de referencia e enlace, manter a comunicación coas Administracións, recompilar a información sobre o desenvolvemento do plan ou convocar á Comisión.
• Cadro de persoal: deben realizar propostas e participar activamente.
• Persoas expertas: asistencia técnica durante todo o proceso, cun papel formador, asesor e de apoio.