Suscribirse a:
Enviar comentarios (Atom)
Asociación Instituto Germinal
- INSTITUTO GERMINAL,
- GALICIA, Spain
- Asociación sen ánimo de lucro cuxo obxectivo principal é fomentar a igualdade de oportunidades entre mulleres e homes en tódolos ámbitos.
PLANS DE IGUALDADE
Dende o Instituto Germinal apostamos pola igualdade en todos os ámbitos, incluido o empresarial, por iso ofrecemos ás empresas galegas a posibilidade de realizar con nós os seus plans de igualdade. As empresas que obteñan unha valoración positiva recibirán o CERTIFICADO GALEGO DE IGUALDADE (CEGAI), distintivo que acredita que a organización conta cunha estructura equilibrada en temática de igualdade.
En resumo podemos dicir que un plan de igualdade é un conxunto de medidas empresariais dirixidas a fixar obxectivos de igualdade entre mulleres e homes na organización. En Galicia contamos con dúas normas que regulan esta materia:
-Lei Orgánica 3/2007 de 22 de Marzo , para a Igualdade Efectiva de Mulleres e Homes. Ver texto íntegro da Lei.
-Lei 2/2007, de 28 de Marzo, do Traballo en Igualdade das Mulleres de Galicia. Ver texto íntegro da Lei.
ESTOU OBRIGADO A FACER UN PLAN DE IGUALDADE NA MIÑA EMPRESA?
Non necesariamente. Segundo o recollido na Lei só están obrigadas:-Empresas con máis de 250 empregados/as.
-Empresas con menos de 250 empregados/as cando así o recolla o seu convenio colectivo.
O resto das empresas poden realizar os plans de maneira voluntaria, previa consulta á representación legal dos traballadores.
QUÉ ME OFRECE O INSTITUTO GERMINAL?
O noso obxectivo é fomentar a igualdade e por iso o Instituto Germinal ofrece ás empresas galegas a posibilidade de contar co noso servizo específico, prestado por persoal técnico experimentado e altamente cualificado, para a realización dos seus plans de igualdade.O noso equipo atópase cualificado para desenvolver o Plan de Igualdade desde a fase inicial de diagnóstico ata o seguimento e avaliacción finais, dun xeito flexible e adaptándose ás necesidaes empresariais.
O proceso que seguimos axústase ás indicacións recollidas na Guía para a elaboración de Plans de Igualdade nas Empresas, ferramenta de apoio editada pola Conselleria de Traballo da Xunta de Galicia. As fases principais do Plan de Igualdade son as seguintes:
1. Diagnóstico (se a valoración é positiva non será necesaria a realización do resto das fases).
2. Planificación. Realización de recomendacións en función das necesidades detectadas.
3. Execución. Aplicación de medidas de acción positiva.
4. Seguemento.
A superación con éxito de todas estas fases ou a obtención dunha valoración positiva tras o diagnóstico levarán a empresa á obtención do CEGAI.
Para levar a cabo con nós o seu plan de Igualdade contactenos no número de teléfono 881 887 538, ou envíe un correo electrónico á dirección institutogerminal@gmail.com
A REALIZACIÓN DUN PLAN DE IGUALDADE ENTORPECE O TRABALLO NA MIÑA EMPRESA?
Non. Dende o Instituto Germinal realizamos os plans de igualdade de tal forma que interfiran o menos posible no ritmo normal de traballo na organización destinataria.Ademais, somos unha entidade que aposta polas novas tecnoloxías e as ferramentas que estas nos brindan, por iso a maior parte das fases están deseñadas para ser levadas a cabo vía online, logrando así unha maior axilización dos trámites e unha menor carga de traballo para a persoa ou persoas da empresa encargadas de levar a cabo o plan.
XOGO EN IGUALDADE
Día Internacional Contra a Violencia de Xénero
Xoves 20 de Novembro de 2008
Desde o Instituto Germinal sumamo-nos ao acto reivindicativo do 25 de novembro Día Internacional Contra a Violencia de Xénero:
Cando unha muller é agredida por un home todas as persoas temos a responsabilidade de poñerlle freo ó agresor. Por iso, debemos de levantar a man, hoxe e sempre para non permitir que a violencia contra as mulleres siga existindo.
Cando unha muller é agredida por un home todas as persoas temos a responsabilidade de poñerlle freo ó agresor. Por iso, debemos de levantar a man, hoxe e sempre para non permitir que a violencia contra as mulleres siga existindo.
¡LEVANTÉMOSLLE A MAN
Á VIOLENCIA DE XÉNERO!
Á VIOLENCIA DE XÉNERO!
(Autora: Ana Enríquez Campesino)
LEI DE IGUALDADE DE GALICIA
Desde o 3 maio de 2008 as traballadoras galegas contan coa Lei do Traballo en Igualdade das Mulleres de Galicia, un ambicioso texto legal que ten por obxectivo conseguir que teñan as mesmas oportunidades que os seus compañeiros masculinos de forma real e efectiva. Nesta Lei trátanse temas como:
- Aplicar a esencia da democracia: a paridade como proposta política.
- Transversalidade no exercicio nas políticas de emprego e relacións laborais en tema de xénero.
- Marca Galega de Excelencia en Igualdade
- A igualdade na negociación colectiva.
- Integración da igualdade na formación.
PROXECTO RODELA
Xoves 5 de Xuño de 2008
As mulleres víctimas de maltrato poderán pedir o acompañamento dunha persoa voluntaria
A Vicepresidencia de Igualdade e Benestar pon en marcha a 
través do Proxecto Rodela un servizo de acompañamento a mulleres vítimas de violencia de xénero, que está constituido por persoas voluntarias e en ningún caso sustituirá aos recursos de asistencia legal e apoio psicolóxico.
PROXECTO DIANA
O Proxecto Diana pon en marcha servizos para a conciliación laboral e familiar, coma o respiro familiar nos caso de participantes con persoas dependentes ao seu cargo, servizo de cangureo, apoio psicolóxico familiar, etcPersoas destinatarias: O proxecto está dirixido a persoas paradas de longa e moi longa duración, especialmente mulleres; tamén contempla a participación de mulleres inactivas. máis información
PLAN AURORA
Este plan é promovido pola Lei do Traballo en Igualdade das Mulleres de Galicia, para garantir a formación profesional con criterios de igualdade. Para axudar ás empresas e pór en marcha plans de igualdade. Para que a promoción profesional non teña en conta os xéneros. Para impulsar a corresponsabilidade nos eidos laboral, familiar e persoal.máis información 8 DE MARZO
Día de homenaxe ás 129 mulleres traballadoras dunha empresa textil que pereceron en 1908 queimadas a mans do propietario na mesma fábrica onde traballaban por iniciar unha folga en protesta polas insoportables condicións de traballo nas que se atopaban.¡Por elas! ¡Por nosoutras! ¡Celebra SEMPRE o 8 de Marzo!
BASTA XA
¿QUE É UN BANCO DO TEMPO?
Banco de Tempo é unha rede de colaboración entre particulares, consistente no intercambio de servizos e/ou actividades entre os seus participantes, utilizando como única unidade de cobro e pago o tempo. É dicir, o receptor dun servizo deberá ao banco (non ao prestador) o tempo equivalente, pudendo beneficiarse do mesmo calquera membro da rede.
Se queres participar nun Banco de Tempo Preme aquí!!
No hay comentarios:
Publicar un comentario